EMRI I BIZNESIT DHE EMRI TREGTAR

Emri i regjistruar i Shoqërisë Aksionare, Shoqërisë me Përgjegjësi të Kufizuar dhe Ortakërisë së Kufizuar do të njihet si emër i biznesit. Emri i biznesit është emër zyrtar i biznesit.

a). Këto subjekte do të emërohen me emër të biznesit në të gjitha procedurat gjyqësore dhe në të gjitha raportet zyrtarët publik si dhe në të gjitha faturat të cilat i lëshojnë, porositë të cilat i bëjnë, pranimin e porosive, kontratat në të cilat hyjnë dhe në dokumentet tjera të ngjashme.

b). Shoqëritë Aksionare, Shoqëritë me Përgjegjësi të Kufizuar dhe Ortakëritë e Kufizuara mund të kenë të drejtë ekskluzive në emër të biznesit. Emri i biznesit i Shoqërisë Aksionare, Shoqërisë me Përgjegjësi të Kufizuar dhe Ortakërisë së Kufizuar do të jetë i mbrojtur me ligj në Kosovë.

Emri i regjistruar i biznesit individual dhe Ortakërisë së Përgjithshme do të përmbajë emrin e plotë të personit përgjegjës, për biznesin individual ose emrin e plotë të personit përgjegjës për Ortakërinë e përgjithshme. Emri i regjistruar i Ndërmarrjes së Biznesit Individual dhe Ortakërisë së Përgjithshme do të quhet: Emri i regjistruar.

Shoqëritë Aksionare, Shoqëritë me Përgjegjësi të Kufizuar, Ortakëritë e Kufizuara, bizneset individuale dhe Ortakëritë e Përgjithshme do të mund të regjistrojnë edhe Emrin Tregtar. Këto subjekte do të kenë të drejtë ekskluzive në Emër Tregtar, duke marrë parasysh parakushtet e këtij akti.

Emri i biznesit dhe Emri Tregtar vetvetiu duhet të kuptohen si emra të një subjekti të caktuar të regjistruar. Emërimet e përgjithshme për tipin e aktivitetit i cili mendohet të ushtrohet, ose shërbimet apo të mirat të cilat mendohen të ofrohen, ose emrat e komunave apo të vendeve apo rajoneve të ngjashme, nuk mund të shfrytëzohen si emër i Biznesit ose emër tregtar. Në marrjen e këtij vendimi asnjë prapashtesë nuk do t’i bashkëngjitet emrit të biznesit, e cila e bënë përcaktimin e llojit të biznesit. Emri i biznesit ose Emri tregtar i një subjekti nuk mund të përmbajë asgjë tjetër pos asaj që tregon për tipin e përgjegjësisë së ndërmarrjes.

Emri i biznesit ose Emri tregtar nuk mund të jetë i tillë që të kuptohen si mashtruese (hutese)

Emri tregtar i biznesit individual dhe Ortakërisë së përgjithshme nuk mund të përmbajë mbiemër tjetër pos atë të pronarit ose të pjesëmarrësit, nëse mbiemrat janë shfrytëzuar në Emër tregtar.

Nëse një pjesëmarrës jep dorëheqje nga Ortakëria e përgjithshme, ose nëse emri i regjistruar ose Emri Tregtar janë transferuar së bashku me vetë ndërmarrjen, emri i pjesëmarrësit të mëparshëm ose pronarit mund të mbetet si pjesë e Emrit të biznesit nëse ai pronar ose pjesëmarrësit kanë dhënë pëlqimin e tij/saj dhe nëse Emri i biznesit nuk është i tillë që të mund të kuptohet si mashtrues.

Emri i biznesit nuk mund të jetë në kundërshtim me ligjet ose të shkaktojë kundërvajtje, vetëm në rastet kur ekziston pëlqimi nga pronari për ta bërë atë,

Emri i biznesit ose Emri Tregtar nuk duhet të;

a) përfshijë asgjë që do të japë të kuptohet se është emër i dikujt tjetër, emër artistik ose i ngjashëm, pos nëse në shikim të parë është e qartë se është emër i dikujt që një kohë të gjatë nuk është më në mesin e të gjallëve,

b) përfshijë asgjë për çka do të mund të bindeshim se është emër i shpeshtë i ndonjë fondacioni, asociacioni bamirës ose organizate tjetër të ngjashme,

c) përfshijë asgjë për çka do të mund të bindeshim se janë tituj karakteristik për punën letrare ose artistike të dikujt me të drejta të mbrojtura autoriale, ose emër i veçantë i dalë si rezultat i krijimtarisë së tillë, emër ky që është i njohur dhe i shpeshtë,

ç) jetë i tillë që të kuptohet gabimisht si emër biznesi ose shenjë dalluese që është ndarë për dikë tjetër, ose që është regjistruar përmes njoftimit të dorëzuar më parë,

d)përfshijë emër i cili është karakteristikë për pronën e vërtetë të dikujt tjetër, ose çfarëdo që do të kuptohej si e tillë

E drejta e emrit të biznesit ose Emrit tregtar është e mbrojtur që nga data e regjistrimit.

E drejta e shfrytëzimit të Emrit të biznesit shuhet me rastin e shuarjes së biznesit. E drejta e shfrytëzimit të Emrit të biznesit kur biznesi në fjalë çdoherë fshihet nga regjistri, pos nëse Emri i biznesit dhe vetë biznesi merret nga dikush tjetër.

Sipas neni 37 të UA 2002/22 certifikata e regjistrimit të Emrit të biznesit dhe emrit tregtar është dëshmi se emri në fjalë është regjistruar dhe si i tillë është në shfrytëzim ekskluziv të konkurruesit.

Regjistrimi i parë i Emrit tregtar do të zgjasë 3 vite. Ai mund të ripërtërihet para skadimit të kësaj periudhe edhe për 5 vite tjera. Nëse regjistrimi i Emrit tregtar nuk ripërtërihet para skadimit të këtij regjistrimi ai do të shuhet.

Nëse emri i biznesit ose emri tregtar shfrytëzohen ose është regjistruar në Zyre të Regjistrimit në kundërshtim me këtë akt, secili që ka interes ligjor ose edhe vetë Ministria mund të iniciojnë procedurën ligjore ashtu që emri të shpallet jo i ligjshëm.

Sipas Ligjit mbi Kooperativat Bujqësore nr.2003/9 të miratuar 23.06.2003., ARBK ka filluar edhe regjistrimin e K.B.
Kooperativë e Bujqve ose Kooperativë nënkupton një entitet ligjor të krijuar nga personat fizikë apo juridik të cilët duhet të jenë të gjithë bujq që kontribuojnë me pronën e vet private në kapitalin aksionar.