Agjencia e Regjistrimit të Bizneseve vepron në kuadër të Ministrisë së Tregtisë dhe Industrisë që është institucion i vetëm përgjegjës për regjistrimin   e bizneseve të Kosovës.

Nga ky agjencion janë ndërmarrë  disa reforma  për procedurat e regjistrimit të biznesit që  reduktojn në një ditë kohën e regjistrimit të kërkuar për bizneset e reja si dhe kombinimin  e një procedure të vetme për të gjithë hapat e regjistrimit.

Këto reforma janë  një hap i rëndësishëm në programin e Qeverisë për përmiresimin e klimës së biznesit në Kosovë si dhe për përfitime të rëndësishme  si për bizneset vendore ashtu edhe për investitorët e huaj.

ARBK  funksionon në bazë të një sistemi elektronik të dhënash,  si një  proces më i thjeshtë, më i shpejtë,  pa shpenzime për regjistrimin e bizneseve fillestare që realizohet  përmes  lidhjes ndërmjet  22 qendrave komunale të regjistrimit (me mundësi të shtimit të tyre) të njohura si zgjidhje “one-stop-shop” me zyrën qendrore të ARBK-së.

Sistemi i tanishëm ka ndikuar në rritjen e transparencës, si dhe ka një rritje  të standardeve  dhe përpjekjeve për të harmonizuar procedurat e regjistrimit me direktivat e Bashkimit Europian .

ARBK është institucion i orientuar drejtë  zhvillimit që ofron arritjen e efikasitetit më të madhë , me një cilësi të lartë  për të gjithë operatorët ekonomik  që operojn në Kosovë .

Fokusi ynë është krijimi i një imazhi ndihmës për  procedurat  administrative të regjistrimit  në ndihmë të biznesit dhe përmirësimit   të ambientit të biznesit në vend.

Qëllimi ynë është të ofrojm një shërbim institucional të përgjegjshëm dhe të krijojm  një kulturë administrative tek biznesi.
 
Stafi  profesional  i këtij institucioni ka arritur nivelet më të larta të cilësisë në shërbimet e ofruara.

ARBK vazhdon të jetë  pranë  biznesit me cilësi, shërbim dhe shpejtësi, sepse ne jemi “Fillimi i mbarë  për  biznesin”.