REGJISTRIMI I KOMPANIVE

Nga 13 Mars 2003, në ARBK ka filluar të bëhet aplikimi për regjistrimin e Shoqërive Aksionare, Shoqërive me Përgjegjësi të Kufizuar ose Ortakërive të Kufizuara, duke i shfrytëzuar formularët përkatës.
SH.A (Shoqëritë Aksionare)
Sipas nenit 26.2 të Rregullores së UNMIK-ut nr. 2001/6 kapitali themelor për Shoqëritë Aksionare duhet të jetë së paku 25,000 Euro, ndërsa kapitali themelor për Shoqëritë me Përgjegjësi të Kufizuar duhet të jetë së paku 2,500 Euro.
Në bazë të nenit 28. të UA 2002/22, Shoqëria Aksionare, Shoqëria me Përgjegjësi të Kufizuar ose Ortakëria e Kufizuar do të konsiderohen si entitete legale në ditën e regjistrimit, e cila merret si dita kur aplikacioni pranohet për regjistrim. Kjo ditë e regjistrimit mund të jetë disa pas ditës së dorëzimit të aplikacionit e cila sipas nenit 10.4 është dita në të cilën aplikacioni është pranuar. Para se të konfirmohet regjistrimi i entitetit legal nuk mund të fillohet me punën.
Përpos përjashtimeve të cilat janë cekur në nenin 20 të UA 2002/22, emri i biznesit duhet të jetë unik dhe ai duhet ta ketë prapashtesën e cila i përgjigjet tipit të biznesit.
SHA (Shoqëria aksionare)

a) Nëse emri është në gjuhën shqipe,duhet të përfundoi me Shoqëri aksionare ose SH. A.
b) Nëse emri është në gjuhën angleze, duhet të përfundoi me Joint Stock Company ose J.S.C.
c) Nëse emri është në gjuhën serbe, duhet të përfundoi me Deoniçarsko drushtvo ose D.D.

SHPK (Shoqëritë me përgjegjësi të kufizuar)

a) Nëse emri është në gjuhën Shqipe, duhet të përfundoi me Shoqëria me përgjegjësi të kufizuar ose SH.P.K.
b) Nëse emri është në gjuhen Angleze, duhet të përfundoi me Limited Liabilty Company ose L.L.C.
c) Nëse emri është në gjuhën serbe, duhet të përfundoi me Društvo sa Neograničenim Odgovornosču ose D.O.O.


OK (Ortakëria e kufizuar)

a) Nëse emri është në gjuhën Shqipe, duhet të përfundoi me Ortakëri e kufizuar ose O.K.

b) Nëse emri është në gjuhën angleze, duhet të përfundoi me Limited Partnership ose L.P.

c) Nëse emri është në gjuhën serbe, duhet të përfundoi me Ograničeno Partnerstvo ose O.P.

Për çfarëdo ndryshimi duhet të njoftohet Zyra e Regjistrimit dhe kjo behet duke shfrytëzuar formularët përkatës edhe atë në afat prej 5 dite pune, siç është cekur në nenin 24 të UA 2002/22
Çfarëdo ndryshimi në emrat ose adresat e drejtorëve ose personave të autorizuar të cilët janë të autorizuar ta përfaqësojnë korporatën duhet të lajmërohet në Zyrë të regjistrimit edhe atë brenda 14 dite pune prej ditës së ndryshimit. Kur kemi të bëjmë me ndryshimet, të cilat lajmërohen në Zyre të Regjistrimit, të gjitha rubrikat relevante në formular duhet të plotësohen.
Sipas nenit 33 të UA 2002/22, të gjitha Shoqëritë me Përgjegjësi të Kufizuara dhe Shoqëritë Aksionare duhet të dorëzojnë ne ARBK ose raportin vjetor ose pasqyrën financiare të përgatitur sipas nenit 4 ose 5 të Rregullores së UNMIK-ut 2001/30 mbi themelimin e Bordit Kosovar për Standardet e Raportimit Financiar si dhe Regjimit Financiar të Ndërmarrjeve Afariste si dhe duhet të përmbajë informatat të cilat kërkohen në nenin 33.1 të UA 2002/2.